رأيكم بالتفرقة بين الأحفاد؟!!

ما رايكم اعزائي بالتفرقة بين الأحفاد

من قبل الجد او الجدة؟؟

وارجو التوضيح رايكم في الحالتين ( اهل الأب - او اهل

الأم)

وإلي عندهم حل ارجوكم افيدونا....

العدل اساس الملك
فعلى من يفرق ان يتق الله في ذلك فالرسول صل الله عليه وسلم الصادق الامن كان يساوي بين الابناء في اصغر الاشياء
فالتفرقةبين البناء مدعاة للفرقة وبس للكراهية والبغضاء بين الابناء
فعلى من يفعل ذلك ان يتقي الله ويعلم انه مساءل

اخي الراغب

بداية: شكرا لك على المرور ....

ثانيا:بالنسبة للأجداد فليس مشرع عليهم المساواة ، لكن هي مسألة إجتماعية اكثر من كونها دينية

فالأهل مطالبين بل وملزمين بالعدل اما الأجداد فهم قد أدوا دورهم

انا احترم رأيك جدا ... لكن انهم سيحاسبون و سيعاقبون فهي مسألة اخرى

وكونها تبث الكراهية فهي صحيحة جدا وتؤكد بأنها مسألة إجتماعية

تحياتي لك

احترم رايك ولكن مشروعية المساوله على الجميع الاباء والاجداد وهي قضية اجتماعيه صحيح ولكنها ايضا لها جوانب اخرى عديده شكرا على الطرح

هذه مشكلة منتشرة عندنا خاصة من الجدات وخاصة التفرقة بين الاولاد والبنات او اولاد البنات غير اولاد الولد... او اول حفيد غير...اوالحفيد الاصغر او ولد الابن الحبيب القريب...انا كنت اعاني من هالمشكلة بس الحمدلله تغلبت عليها بالتفاهم مع زوجي ان نخبر الجميع بعدم التفرقة ابدا حتى لايؤثر هذا في نفسياتهم او في علاقاتهم مع بعضهم ...وطبعا الكلام مش زي العمل فكنا دائما نذكر ابائنا بذلك والحمد لله خفت هذه الظاهرة كثير جربي هذي الطريقة يمكن تضبط معاكي اختي والله يوفقك

عزيزتي لمسة حب

اشكرك على النصيحة .. لكن المشكلة عند اهل زوجي تمت

معالجتها منذ ان كانت البنات صغيرات ومثل ما قلتي

بإتفاق بيني وبين زوجي وبطريقة حازمة إنتهينا من

الوضع .

المشكلة في الواقع عند اهلي .. اهلي يحبون بنتي

الكبيرة جدا ويقولون دائما: هذي تشبهلنا - شكلها

زبيدية-

وامي تكرر هذي العبارات دائما

والله غيرنا المدينة إللي اهلي فيها وبصراحة ارتحت شوي

وفعلا كانوا اهلي افضل مع بناتي الثانيات في اول الأيام


لكن الأمور عادت لما كانت عليه واسوأ بكثير

والمشكلة ان هذا يؤثر سلبيا في شخصيتها وعلاقتها مع

اخواتها


اذا كنا عند اهلي او امي كانت عندنا تتحول بنتي

الكبيرة لإنسانه انانيه وبعلاقة سيئة جدا مع اخواتها

وكل ما كبرت بنتي اكثر كل ما صار الوضع اسوأ... وامي

ما تبطل كلمة احبها لإن شكلها زبيدية

والله كرهت هذي الكلمة.. وهذاك اليوم قالت بنتي :انا

عائلتي الزبيدي.. وربك ستر ابوها ما سمعها

وكل ما تجي امي .. تصير بنتي ماهي راضية عن خواتها ولا

عن وضعها وتصير طلباتها تكثر .. آخر مرة قالت ليليش

ما عندي فيديو بغرفتي؟ ليش خواتي عندهم فيديو

وبالصالة DVD وانا بس عندي tv حاولت اقنعها إن

التلفزيون بغرفتها ما احد يشاركها فيه ، لكن التلفزيون

والفيديو بغرفة اخواتها تقدر تستخدمه بأي وقت .. لكن

عبث ولا يفيد.. جوال ، غيري الجيم بوي أبغى واحد

جديد.....إلخ إلخ

طلبات ما تنتهي واحاول إني انفذ لها كل إللي اقدر عليه

حتى لو ما كنت مقتنعه فيه .. زي الجيم بوي الجديد وهو

عندها واحد،، مع إني في الحالات العادية لو مع وحدة

ثانية من اخواتها كان قلت: إقلبي وجهك وحلي عني. لكن

اقول صارت البنت طولي ما ابغى اشد عليها. وبنفس الوقت

مليت من هذي الطريقة ومليت كثر ماتهاوشت مع امي بسبب

هذا الموضوع

اصغر بناتي ماهي مهتمه كثير لكن بنتي الثانية ( بعد

بنتي الكبيرة على طول) حاسه بفرق التعامل ومهما حاولنا

انا وابوها نعوض ما نقدر - صارت تحس إنها مذنبة انها

تشبه ابوها وما تشبه اهلي

كان ابوي الله يرحمه يحبها بنفس الطريقة ولنفس السبب ..

وكان يحبها بجنون لكن ما بيوم تكلم قدامهم ولا قال لهم

شيئ لكن كان يقولي انا احب الكبيرة اكثر شيئ

لكن مع امي الوضع كثير مختلف ..وبطريقة مزعجة قاعدة

تخرب تربيتي وتعبي على بناتي وإذا الواحد يتعب عليهم

عشان يكبرون ويصيرون بهذي الطريقة .. فإيش الفائدة؟؟؟

تحياتي وآسفه إني طولت عليك

اختي لاتكبري الموضوع بكرة تكبر وتعقل بس اللي متعجبتله انه دايم الاولاد يحبوا ينسبوا انفسهم لاهل الاب دايما بس شكل اهلك حولهم اكثر وما يشوفوا اهل ابوهم كثيير وهذا على فكرة سبب هام في هذه المسألة يعني لما بناتك يجلسوا كثير مع اهل ابوهم بيختفي الاحساس بالافضلية لاختهم الكبرى... جربي والله يوفقك

انا الآن في مدينة ثانية زي ما وضحت

وما اشوف احد فيهم إلا بالنادر

لكن امي تجي عندنا دائما - وللعلم حتى لما تجي تقول للكل انا ما جيت إلا عشانها( تعني بنتي الكبيرة )

وبالنسبة لإنهم يحبوا زي ما قلتي ينسبوا نفسهم لأهل الأب فالشكلة لما صاروا يحسون إن إختهم تدلل عند اهلي لإنها تشبه لهم- لذا كبروا وهم يشعرون إنها افضلية
............................
...................

واستنى تكبر وتعقل شلون ؟؟- اكثر من كذا؟؟؟

انتبهوا يا جماعة الخير احسن الاولاد تون بتقرأ ما تكتبوا

انا ما اخلي بناتي يدخلوا منتديات

و الكمبيوتر إللي في غرفهم مافيه نت

والاب توب إللي فيه نت بالصالة .. وإذا أستخدموه عيني

عندهم

تمام نعم الرقابه كده تمام