طرق بيتية لتسريح(الشوشة)

كيرلي / ستريت / ويفي / كشة
الحالات اللي تكون فيها شوشتنا وعلى حسب الـ مود اللي احنا فيه

بتكلم بالتفصيل كيف أحوس بهالـ شوشة اللي ياما شافت وساكتة
<< تحب تلعب و تجرب




أول شي أحط السيريوم على شعري و هو لسا رطب
انشفه بالفوطه واحط نقطه - نقطتين من السيروم وادهن فيها " أطراف " شعري
السيروم يعطي الشعر الجاف لمعه , والاهم من كذا يحمي الشعر ويجهزه لاي شي راح تعملينه
يحميه من حرارة الفير - السشوار - منتجات التصفيف ... الخ
يعني أياً كان الستايل اللي بعمله في شعري اول شي احط سيروم عليه
اللي عاليمين أتعب و انا اقول رووووووعه
كذا ما يدبق مهوب ثقيل على عكس اللي عاليسار
ثنينهم ماخذتهم من " كارفور "



السشوار الاحمر..1200فولت

أضيع بدونه
سشواري كل من جربه سألني عنه .. مررررررره حار ولا يطفي ابد
اسمه elchim ولا يجي الا لون احمر
فيه هوا بارد بعد عشان تنشفون المناكير
اخذته من " قزاز "
سعره تقريبا 200 و شي المهم مهوب اكثر من 300

السر عشان تعطين شعرك حجم
لا توجهين عليه السشوار ابد من فوق كذا يهبط
نزلي راسك تحت و وجهي السشوار على شعرك وحاولي باطراف اصابعك تحركين جذور شعرك

النقطه الثانية أبد لا تقربين السشوار من شعرك
كل ما بعدتيه كان افضل

النقطه الاخيره وكثير بنات يسوونها و هي غلط
لا توجهين السشوار من تحت الشعر يعني عكس الاطراف
يعننك خطيره وبتنفشين شوشتك
هذي الطريقة مع الوقت تساعد على تقصف اطراف الشعر




الويفي كلنا نحبه
الشعر الغجري المغري وهـ بس
راح اقول لكم طريقتي



استخدمهم للبيت - جامعه - طلعة بنات - اغلب الوقت
بعد ما احط السيروم وانشف شعري بالهوا نص و نص مهوب مره
انزل راسي على تحت واحط بيدي من الكريم (بانتين لشعر انسيابي او كيرلي او اللي يناسبك)و ابدا اوزعه على الاطراف اكثر شي
و احاول اعرفط الخصلات عشان تاخذ الشكل الويفي وتتخصل بالكريم ولا يصير نافش
بعد ما اتاكد ان كل شعري تعبا .. انشفه مره ثانيه بالسشوارواكون منزله راسي على تحت عشان ياخذ حجم
باتين و صانصلك كلهم كويسين
بس مع الوقت اكتشفت ان الصانصلك يطيح الشعر والبانتين لا
يعني البانتين حلو وعملي كـ استخدام يومي
جربوا اللي مكتوب عليه لتموجات متناسقه او شي زي كذا



كيرلي (بالموزع)(سشوار شكله زي يد الشور بدبابيس)


تبون الصراحه ؟
عادي ما فرقت شعري فيه
يطلع ويفي صح .. بس بالضبط زي لما استخدم السشوار
عملت بحث كثير عن الشعر الكيرلي وكثير كانوا يتكلمون عن هذا " الموزع "
كيف طريقة استخدامه ؟
بعد ماتحطين كريم الكرلـله او الموس نفس الشي تعرفطين مجموعة خصل بيدك الين ماتقربينها من الجذور .. وتلصقين الموزع عليها تقريبا 30 ثانية
تصير الخصل مموجه
أخذته برضو من " قزاز " بس ابد مو متذكره السعر





الفيييير


يمكن كثير بنات يستصعبون استخدام الفير
يمكن يكون صعب من اول مره ولا يضبط .. بس مع المحاوله راح يصير شي مره سهل والنتيجه
بعد ما اتحمم واحط سيروم على شعري .. انشفه بالهوا
نبدا نشغل الفير عشان يحمى
نسشور الشعر بس سشوار سريع سريه وبدون لا تتسيح الخصلات مره
جيبي فوطه صغيره و حطي الفير عليها
ابدي فرقي شعرك .. افرقيه على شكل + يعني 4 اقسام
ابدي مثلا بالجزء اللي عاليسار من ورا لانه اسهل تحكم
خذي خصله صغيره بيدك اليسار , باليمين امسكي الفير واقلبيه على تحت خلي راسه موجه لتحت
واضغطي على المكبس يعني افتحيه , لفي الخصله بيدك اليسار على الفير
لفي بقوة ورجعي الخصله كل مالفيتيها على ورا
سكري المكبس عالخصله واتركي بالاخير طرف الخصله تقريبا 3 سم وخليك شاده بيدك طرف الخصله
انتظري تقريبا 30 ثانيه .. افتحي المكبس وشيلي الخصله بشويش بعدي عنها الفير بالتدريج عشان لا تنفك الخصله
امسكي نهاية الخصله بيدك اسحبيها على تحت شوي وبخي عليها سبراي مثبت من الجهتين
كملي كذا الين ماتخلصين كل الشعر
مع العلم ان الخصل اللي قدام لا تطولين مدة الفير عليها لان خصل الشعر رقيقه
بعد ماتخلصين بييصير شكل شعرك يحوم الكبد
لا تخافين .. نزلي شعرك على تحت وابدي فككي الخصل باطراف اصابعك وبخي سبراي مثبت
بعدين اعمليه زي ما انتي حابه
يا تتركينه مفروق من النص ويكون natural
أو تعملين بف صغير من قدام وتثبتيه ببنسه ..
او تحطين طوق او باند اللي انتي حابه .
الفير اخذته من " اكسترا " .



الفيير المتموج بعامودين

اخذته من " اكسترا " برضو
يعطي الشعر لوك مموج متعرفط يارب تكونون تخيلتوا كيف
تصير الخصله طالعه نازله كنها مطبات

المكواة


أفضل iron للشعر
استخدمها لما اسشور شعري ليس و حابه ارتب النهيات
او اذا ابي ارتب الغره





رغوات الشعر لـ شعر ويفي منكوش
استخدمهم بالضبط نفس طريقتي لما أكرلل شعري بالكريم حق بانتين
رغوة new wave ممتااااااازة يا بنات للي شعرها كثيف و سميك لانها ثابته وتمسك
و تحمي الشعر من حرارة السشوار
.














kerastase
nutritive
maskuntense ماسك للشعر
الكنــــــــز
لازم كلكم تجربون هذا الماسك
أتعب وانا اقول مغذي ومرطب للشعر ويعطيه لمعه و ريحه
حتى الشامبو حقهم والسيروم روووعه .. بس يوم اصور كان مخلص الشامبو
منتجات كيرستاس تلقونها في الكوفيرات الكبيره يبيعونها
بنات الخبر تلقونها عند " النافع " & " بريما دونا " .
انا ما استخدمهم بشكل دايم لانهم غالين مابي يخلصون
استخدمهم قبل مناسبه او لا بغيت ادلع نفسي بشاور محترم


العنايه بالشعر
دايم كنت اقول الشعر الحلو وراثه و محد يقدر يغيره
بس بعيوني شفت تحولات لشوش صديقاتي
تحولت شعورهم من ليف الى كشش حلوة
العناية والاهتمام تجيب نتيجه مهوب كلام فاضي و تضييع وقت
والاهم ان ننتبه لاكلنا .. يعني مهوب تحطين حيلك بهالزيوت والكريمات وانتي اكلك فاست فود وشبسات وخرابيط
" الجرجير , الجزر , السمك , البيض , العسل ... " من الاشياء اللي تغذي الشعر ولازم تكون موجوده في اكلنا بشكل دايم مهوب مره بالسنه




" حمام زيت "
استخدمه مره بالاسبوع , اغسل شعري بشامبو بعدين انشفه بالفوطه وابدا اوزع الكريم على كل شعري
وافرك الفروة باطراف اصابعي عشان يتحرك الدم فيها وتتغذى
بعدها اللي عندها بخار تقعد تحته 20 دقيقه او نص ساعه
اللي ماعندها تلف شعرها بنايلون شفاف .




اقل شي مره بالشهر نعمل خلطة زيوت لـ " تغذية الشعر " و ترطيبه
تاخذون الزيوت اللي انتوا حابينها واهمها " الخروع "
بعد ما تخلطونهم سوا تقريبا ملعقة من كل نوع على حسب طول شعرك
حاولوا تسخنونهم على النار شوي , عشان لما تحطون الخلطه على شعركم تكون دافيه ومفعولها يزيد
ممكن لو حابين تهرسون فص ثوم معهم
برضو فيه خلطه عملتها صاحبتي تقول تكثر منابت الشعر
بالخلاط " جرجير + زيت جرجير " وتفرك فيه منابت شعرها وتخليه نص ساعه تحت البخار وكل شوي تسوي مساج للفروة






لتعطير الشعر


خلطه اعملها و احطها في الشاور
بعد ما اتحمم قبل لا اطلع اشطف شعري فيها والريحه تصير
تاخذين علبة مويه وتفضّين ربعها
تعبين الربع الباقي موية ورد
احط نقطتين دهن عود - نقطتين خمرية شعر من القرشي - مسك ابيض سائل من القرشي
اخر شي ارمي كسرة بخور او عود او دخون الي انتوا تسمونه
خلوها في الشاور وقبل لا استخدمها اخضها كويس واحط بس على اطراف شعري من تحت
لانو اخاف يدهّن من فوق واخاف على فروة راسي تنعدم من العطور
لما تنشفون شعركم بالسشوار وتشمون الريحه ادعولي








" للضرورة فقـــــط "
حركه شوي وصخه بس بقول لكم عليها لانها تفك زنقة
لما نكون مستعجلين والا ورانا اختبار والا طب عليكم احد فجأه بالبيت وشعركم مدهّن
حطوا شوي بودره على جذور الشعر وحركوا كويس الين مايروح اللون الابيض وكذا تروح اللمعه

و فيه برضو dry shampoo اخذته من سيفورا
نفس الفكره تبخين على جذور شعرك اللي تلمع
و لاتنسون تاخذون شاور اول ما ترجعون !

حبيبتي الغالية

من قبل زواجي وحتى وانا في الكلية

كل البنات يلعبون بشعورهم ويغيرون فيها ويصبغونها

اما انا لاهية بالدراسة والقراءة

ولما احد يتكلم عن نفس الموضوع حقك

احس إنهم يتكلمون لغة أخرى أقرب ما تكون إلى المريخية ( على إعتبار إني أفهم شوي من كمن لغة)

واول مرة صبغت شعري كنت متزوجة وعندي طفلتين

والحمدلله - وما شاء الله زوجي ما يحب إني على قولته: ألعب بشعري- يحب الشكل طبيعي -- (ولا كانت مصيبة)

يعني طويل ناعم وبلونه الأصلي

بسسسسسسسسسسسسسسسسسسسسسسسسس

شيئ واحد كنت احب اسويه

إني اسويه مجعد - كيرلي أو ما ادري إيش تسموه

والطريقة هي كالتالي

تاخذين القصدير ( الألمنيوم ) - حق التغلف، وتقطعين منه قطع كل قطعة تقريبا 5 سم وتلفينها( رول ) - زي ورق العنب-

وتسوي كمن وحدة إلي تكفي شعرك..



وما يصلح تسوينه بلفافات الشعر إلي تنباع بالأسواق لإن ما فيها نفس الميزات

....مميزاته سريعة بأوقات الزنقات --بس لازم تكونين مجهزة القصدير

إنه ينشف على طول

والخصل ما تخرب ابدا

ويصير شكلها كن كوافيرة مسويتها

إن شاء الله تجربونها وتعجبكم

شكرا على مرورك ونصيحتك.... ولكن صدقيني كل الرجال في البداية يقولوا الطبيعي احسن ...بس لما يشوفوا الفرق (خاصة اذا رحتي عند خبيرة مختصة جيدا وما استرخصتي ) بيغير راية انا شخصيا قعدت 4 سنين اقنع في زوجي اني اغير في شعري وشكلي ... وبعدها لو صار الحين لو تمر فترة وما غيرت اهو يطلب مني التجديد صدقيني مافي شي طبيعي الحين وكذاب اللي يقلك طبيعي ...غيري وادعيلي...

حبيبتي الغالية

اول مرة قصيت شعري بعد زواجي كان بمناسبة مرور 5 سنوات

اول يوم قالي زوجي حلو.. ثاني يوم قال: يعني موزيادة

ثالث يوم قال : شعرك اول احلى وإنت ما يناسبك إلا الشعر الطويل
رابع يوم قال:الله يعافيك.. لا عاد تعيدينها


وبعدها ( بقرن من الزمان) صبغت والله الكل قال حلو ويجنن

((((((إلا )))))) زوجي الحبيب


اول يوم قال : حلو
ثاني يوم قال: ياشينك ليه لعبتي بنفسك .. احد الله عاطيه شكل زين ويلعب بشكله
ثالث يوم قال: ابي اعرف إنتي لمين صبغتي لي ولا للناس

قلت : لك حبيبي، ولإن ودي اغير شوي / بنتي طولي وودها تغير بشعرها وانا مكانك سر
قال : على راحتك
رابع يوم قال :اطلب منك بعد الغداء طلب ؟؟
قلت آمر .
قال: حبيبتي روحي رجعي شعرك لونه الأول .. احس إني متزوج وحدة ثانية غير زوجتي

عموما يقال: زوجك على ما تعوديه، ويمكن لإني اول زواجي ما كنت احب اصبغ واقص كثير.. احتمال

تحياتي